The Secret – Tharuka Jayawardana

…ප්‍රේමයත් මහ පුදුමය. ගැහැණිය ඊටත් වඩා පුදුමය. මේ ද්විත්වය එකට එක්වූ තැන පිරිමියාට ගැලවීමක් නැත. සිංහයෝ වගෙ දැඩි පිරිමි එක තත්පරෙන් පූස් පැටවුන් මෙන් හීලෑ කරන්න ප්‍රේමාන්විත ගැහැණියකට හැකිය…

ඔහුගේ සිරුර පුරාම ගැඹුරු කැපුම් පහරවල් විය. මුහුණ විරූපි වෙන තරමට පහර දී තිබුණි. ප්‍රහාර වල ප්‍රතිඵල ලෙස නාස් පොල්ල කැඩී, උඩු හනුවේ මෙන්ම යටි හනුවේ දත් කිහිපයක්ම ගැලවී ගොස් තිබුණි. මරණ පරික්ෂනය සදහා උදරය කැපීමේදී ගැලවී ගොස් තිබූ දත් අතරින් ද්විත්වයක්ම උදරයේ විය. ඔහුගෙ ශරීරයේ නොබිදුණු සන්ධියක් නොතිබූ තරම් ය. අස්ථි කිහිපයක්ද බිදී තිබුණි. නිය උගුල්ලා තිබුණි. හිසේ තුන් හතර පොළකටම වැදී තිබූ මාරාන්තික ප්‍රහාර හමුවේ හිස අභ්‍යන්තර ලේ ගැලීමක් වී තිබුණි. දරාගත නොහැකිම කරුණ වන්නේ මේ සියල්ල සිදු කරන තුරුම සිත්රූ අහිසෙස් ජීවත්ව සිට ඇති බවට මරණ පරික්ෂාවේදි වෛද්‍යවරයාගෙ නිගමනය වීමයි. ඒ කුඩා සිරුර එතරම් දුක් වින්දේ කෙසේද කියා සිතද්දි අදටද තම මුළු සිරුරම ලොමු ගැන්වී යන අයුරු තිසත්ට දැණුනි.

“තනි උන ගෑණියෙක් කියන්නේ තමුසෙලා වගෙ මානසික අසහනකාරයින්ගෙ අතේ නැටවෙන සෙල්ලම් බඩුවක් නෙවෙයි. ගෑණු කියන්නේ රෝස මල් කියලා කියන පිරිමින්ටම අමතක වෙනවා රෝස මලෙත් කටු තියනවා කියලා. කටු මග ඇරලා පරිස්සමට මල නෙලාගන්න හැමෝටම බෑ. තමුසෙලා වගෙ උන්ට කොහොමත් බෑ. මල තලන්න එන තමුන් වගෙ උන්ට වෙන්නේ මේ වගෙ කටු ඇනගන්න විතරයි. එකක් මතක තියාගන්නවා නෙහාන් තනි උනත් සිංහ ධේනුවගෙ රැස් බහින්නේ නෑ. සිංහයෝ කවදාවත් සුනඛයෝ එක්ක නිදි වැදුනේ නෑ….”

—————————

ශක්තිමත් පිරිමි චරිත වටා ගෙතුණු කතා අතරේ මේ පිරිමින්ට නොදෙවෙනි ශක්තිමත් යකඩ ගැහැණියකගෙ කතාවයි. මී පැණි පැහැ ඇස් ඇති ඩැෆඩිල් මලේ රහස් කතාවයි. මේ ඔබේ කතාව වෙන්නත් පුලුවන්

#The_Secret කියන්නෙ Triller, Crime, Love, Romance කියන ශානර කිහිපයක එකතුවක් වුණ කතාවක්. ත්‍රාසය, භීතිය සමග ගුප්ත දරදඬු ගැහැණියක් හා ආදරණීය පිරිමියෙක් වටා ගෙතුණු කතාවක්.