නිලි වැස්ස

මෙම අපූරු කතාන්දරය ‍රසගන්වන ප්‍රධාන චරිතය රන් මැණිකා නම් වේ.ඇය ඇතිකිරිගල නම් සුන්දර ගම්මානයේ වෙසෙන රූමත් තරුණියකි. සාම්ප්‍රදායික ගැමි තරුණියකගේ සිතුවිලි වලින් ඔබ්බට දිවෙන සිතුවිලි සිත දරාගත් ඇය ජීවත්වන ගම්මානයෙන් පිටත ලෝකයට පය තැබීමට නිරන්තරයෙන් සිත යොමු කරයි.පිරිමි නැකතකින් උපන් ඇය මුරණ්ඩු ගති පැවතුම් ඇති තරුණියකි.ඇයගේ උපන් වේලාව අනුව ඇයට සරණ යාමට සහකරුවෙකු සෙවීමද අපහසුය.කෙසේ වෙතත් එක හවස් වරුවක ගම්මානයේ සිරි නරඹමින් සිටින රන් මැණිකාගේ ඇස ගැටෙන්නේ ඝන දෙබැමෙන් ආවරණය වූ නිල්වන් දෑසක් හිමි කඩවසම් විදේශික තරුණයෙකි.හදිසියෙන් හමු වී කතා නොකරම සමුගෙන යන ඔහු කවරෙක්ද? රන් මැණිකාට ඔහුව නැවත මුණ ගැසේද ?

Chathurika Senadheera